Nunatsinni piiaavik Danmarkimi sillimaniarnermut siooranarsinnaasunut tunngatillugu sunniuteqarsinnaavoq
Kinamiut Nunatsinni aningaasaleerujussuarnissamik pilersaarutaat, siooranarsinnaasunik naliliinermi kingullermi salliutinneqarlutik sammineqartut, aviisimi Politikenimi ullumi allaaserineqarpoq.
Kinamiut Nuup eqqaani saviminissamik piiaaliviornissamik soqutiginninnerat, sakkutuut Isertortumik paasiniaasartuisa ilaatigut nassuiaateqarfigaat. Suliniutip oqallisigineqarnerani akissarsialutsitsilluni sulisitsinissaq aamma Kalaallit Nunaata piiaavimmit iluanaarutissai pineqarnerusimapput, kilitsissiaqarfilli aamma allanik eqqumaffigisaqarpoq.
- Kinap politikkikkut anguniakkami angunissaannut aningaasalersuineq allatigulluunniit aningaasatigut suleqateqarneq atortarsimavaa, FE Kinap Kalaallit Nunaanni suliaqarneranut atatillugu taama inerniliivoq. Allatut oqaatigalugu, Kinamiut aningaasalersuinerisa kingunissaat Nuummit Københavnimiillu eqqumaffigineqartariaqarput.
Ruslandip Issittumi pissaanilissuartut inissisimanera Danmarkip aamma eqqumaffigaa. FE-lli Russit Issittumi pissutsinut tunngatillugu tatisiniarsarissangatinngilai.
Tassami Rusland eqqissisimaqatigiilluni suleqateqarnissamik nammineerluni soqutigisaqarpoq.
Sakkutuut Isertortumik paasiniaasartuisa aamma oqaatigaat, Ruslandip Issittumi sakkutooqarnikkut pissaaneqarnerpaanera pissutigalugu russit, issuaavunga "USA-mik USA-llu iligisaanik suleqateqarusussuseqanginnermik takutitseriaannaapput", issuaaneq naavoq.
