Nunatsinni oqartussat sms-imik nassitsinikkut kajumissaaruteqartut
Bip Bip - Asasatit paarikkit! Allat qanillinaveersaakkit assatillu errortukulakkit.
Nunatsinni oqartussat coronavirusi innuttaasuni tuniluuteqqunagu upalungaarsimanermi sms-imik kajumissaarummik ippassaq nassitsinikkut taama paasissutissiipput.
- Asalluartarneq ajornanngippat asareernermi assaallu panerneranni assanut tunillannartuiaat atorlugu eqqiluisaarluarneq
- Inuit nuattut/toqqusaarluttut qanillinaveersaarneri
- Kakkissarfimmut ataasiartakkamut ikutsilluunniit peqiffianut quersorlutillu tangajortarit
- Kuniuinak, eqitaarinak assammiinallu
Nunatsinni oqartussaat Tele-Post suleqatigalugu innuttaasunut angallattakkamik oqarasuaatilinnut tamanut sms-ikkut allakkanik nassiussipput.
- Atortuusinnaasut tamaasa atorlugit coronavirusi akiorniarneqassaaq, pisumilu pingaaruteqarpoq innuttaasut ilisimatinneqartarnissaat nalussanngikkaallu qanoq iliussallutik. Taamaammat pisariaqalissappat amerlasuunut toqqaannartumik paasissutissiissalluni SMS pitsaasuuvoq sukkasuujullunilu, Naalakkersuisut siulittaasuat Kim Kielsen oqarpoq.
Nassiussisaqattaarnavianngitsut
Nunatsinni oqartussat oqarnerat naapertorlugu naalakkersuisut, nunatsinni nakorsaaneqarfik politiilluunniit upalungaarsimanermi sms-inik nassiussisaqattaarnavianngillat, immikkulli illuinnartunik pisoqaraangat atorneqartarumaarluni.
Sms-i sisamanngornermi nassiussaq innuttaasut inunnut allanut qanillattunnginnissamut eqqiluisaarnissamullu innersuussutinik malinninnissaannut kajumissaarutaavoq.
- Tamat taakku malippatigit, virusi ajornartorsiulissaaq, nunatsinni nakorsaaneq Henrik L. Hansen oqarpoq.
SMS-i 2020-mi sisamanngorneq marsip ulluisa 26-ianni nassiussaq ima isikkoqarpoq:
Kalaallit Nunaanni Politiit:
Asasatit paarikkit!
Allat qanillinaveersaakkit assatillu errortukulakkit.
Taamaalillutit ILLIT iluaqutaassaatit.
Ataatsimoorluta Nunatsinni Coronavirusi akiussavarput!
Asannittumik Naalakkersuisut, Nunatsinni Nakorsaaneqarfik aammalu Kalaallit Nunaanni Politiit
Pas på dem du elsker!
Hold afstand til andre og vask hænder ofte.
Så gør DU en forskel.
Sammen bekæmper vi Coronavirus i Grønland!
Kærlig hilsen fra Naalakkersuisut, Landslægeembedet og Grønlands Politi
Take care of your loved ones!
Keep your distance and wash your hands often.
Then YOU will make a difference.
Together we will beat the Coronavirus in Greenland!
Best regards the Government of Greenland, the Office of the Chief Medical Officer and Greenland Police
