Nunatsinni nunap immallu assiliortoqalerpoq

Taamaammat danskit Avatangiisinut Ministeriata, Troels Lund Poulsenip, aamma Ineqarnermut, Attaveqaqatigiinnermut Angallannermullu Naalakkersuisup, Jens B. Frederiksenip, Danmarkimi ministerip Nuummi tikeraarneranut atatillugu, nunap immallu assinginik nutaanik suleqatigiinnissap killissarisai pillugit isumaqatigiissuteqarput.

Troels Lund Poulsenip ministereqarfia Kalaallit Nunaanni nunap assiliornermut akisussaasuuvoq, siunertaavorlu Internetikkut nunap assingi iluaqutigalugit paasissutissanik amerlanerujussuarnik pissarsiniarnissamut periarfissarisat nutaat Kalaallit Nunaata annertunerusumik iluaqutigilersinnaalissagai.

Aallarniutigalugu Nunatta Kitaata ilarujussuanut nunap assingi nutaat, ilutsit tungaasigut aamma eqqoqqissaarnerusut, 2009-p naanerani saqqummiutissallugit Kort- og Matrikelstyrelsip naatsorsuutigaa.

Nunap assingi nutaat qarasaasiaannakkut suliarineqarput, Kort- og Matrikelstyrelsillu immap assinginik nutaatut suliarisanik ukiuni tulliuttuni saqqummersitsisarnissani ingerlateqqissavaa.