Nunatsinni nunami allamiut aatsaat taamak amerlatigisut tamannalu tupaallaatigineqartoq
Nunani allamiut nunatsinniittut aatsaat taamak amerlatigipput.
Nunatsinni ingammik Nuummi pisiniarfimmut neriniartarfinnulluunniit iseraanni amerlanertigut nunani allamiunik sulisoqakkajuttarput. Nunatsinni naatsorsueqqissaartarfimmit kisitsisit naapertorlugit nunani allamiut 1.860-iupput, taakkulu 61 procentii Nuummi najugaqarput.
Tamannalu aamma kalaallit naapitatta malugisimavaat.
Arnaq Møller Isaksen
Nunatsinni nunami allamiut 1.860-it nunatsinniilersimasut kisitsisit kingulliit takutippaat, tusaqqaarlugu illit qanoq eqqarsarpit?
- Soorunami tupannalaarpoq kisitsisit taama qaffariarsimatigisimammata. Kisianni malunnarpoq suliffeqarfinnut iserluni piffissaq kingulleq amerlatsittut.
Pissutsimmi taamaattut qanoq isumaqarfigaajuk?
- Eqqarsarnarpoq. Kisianni sulerusukkunik ajunngilaq, aamma inissaqartinneqarsimapput.
Oqaloqatigisarput Filipinerineersoq oqarpoq nunamini suliffissaqannginnami nunatsinnukarluni, tamanna tusarlugu illit qanoq eqqarsarpit?
- Soorunami eqqarsarnarpoq, ilaa. Nammineq nunatsinni kiffartuussisussaagatta uagut. Kisianni aamma malunnartarpoq saaffigalugit saaffigiuminartorujussuusaramik. Eqqarsarnarpoq, kisianni taamaappoq.
Andrea Mathæussen
Nunatsinni nunami allamiut 1.860-it nunatsinniilersimasut kisitsisit kingulliit takutippaat, tusaqqaarlugu illit qanoq eqqarsarpit?
- Uanga ajorinngilara. Siornatigut tupattarnikuuvunga. Kisianni massakkut ajoriffissaqartinngilakka.
Oqaloqatigisarput Filipinerineersoq oqarpoq nunamini suliffissaqannginnami nunatsinnukarluni, tamanna tusarlugu illit qanoq eqqarsarpit?
- Eqqarsarnarpoq. Ilaa immaqa uagut kalaallit ima eqqarsarsinnaavugut maanimi nunaqavissut? Taanna apeqqutaasuaannarpoq, isumaqatiginarlunilu isumaqatiginanngilaq.
Sunartaa isumaqatiginanngila?
- Una immaqa pineruara nunaqavissut inuiaqatigiinnut tunniussaqarnerusinnaagaluarmata.
Merry Stephensen
Nunatsinni nunami allamiut 1.860-it nunatsinniilersimasut kisitsisit kingulliit takutippaat, tusaqqaarlugu illit qanoq eqqarsarpit?
- Uanga maani illoqarfimminngaaniinnginnama iluamik aallaqqaamut eqqarsaatiginngikkaluarpakka, kisianni maaniinninni allamioqarnera malugeqaara.
- Soorunami nunarsuarmioqataagamik pinngitsooratik tikilluaqqusaasariaqarput allatulli, sumut nunassikkusukkunik.
Suliffeqarfiit nunami allamiut pingitsoorsinnaanagit aamma eqqaavaat tamanna illit qanoq isumaqarfigaajuk?
- Taannartaa uannut aappaatigooqartinnarpoq. Soorunami nunaqavissut aamma taakkua eqqarsaatiginarput, kisianni aamma nunaminni suliffissaqanngitsut sulerusuttut tikilluaqqusariaqarpagut.
Oqaloqatigisarput Filipinerineersoq oqarpoq nunamini suliffissaqannginnami nunatsinnukarluni, tamanna tusarlugu illit qanoq eqqarsarpit?
- Eqqarsarnaqaaq taamatut tusarlugu. Kalaallit qanoruna ullumikkut inissisimalersimasut? Sooruna sulerusunngitsut taama amerlatigippat? Sulinngikkutta uffa isertitassaqarnaviarata. Kiffaanngissuserput taama annertutigisimanavianngilaq sulinngikkutta.
Birthe Holm Stach
Nunatsinni nunami allamiut 1.860-it nunatsinniilersimasut kisitsisit kingulliit takutippaat, tusaqqaarlugu illit qanoq eqqarsarpit?
- Maani najugaqartuusugut kalaallit eqqarsaatigaluta ernumavunga. Kalaallimmi suliffissaagaluinik tigooraammata. Kisianni eqqarsaqqinninni, ajorinngilara.
Suliffeqarfiit nunami allamiut pingitsoorsinnaanagit aamma eqqaavaat tamanna illit qanoq isumaqarfigaajuk?
- Isumaqataaffigaara. Sulisussanimmi amigaateqarpugut. Maaniippullu suliartorlutik.
