Nunatsinni NAPA nutaamik pisortartaartoq

Taassuma Nuummut nuunnissani kalaallillu kulturiannik eqqumiitsuliianillu sulissuteqarnissani qilanaaralugit tusagassiuutinut nalunaarummi oqaatigaa.

- Kalaallit Nunaata ilinniarnissaa kalaallillu kulturiata nunanit avannarlerni sulissutiginissaat qilanaarisorujussuuara. Attanneqarsinnaasumik ineriartornissamut inuit suleqatigiinnissaat kulturillu assigiimmik kattutitinneqarnissaat pisariaqarpoq, Anne Mette Gangsøy oqarpoq.

Nunatsinni NAPA kulturikkut illorsuarmi – Katuami allaffeqarpoq. Anne Mette Gangsøyilu tassani maajip aallaqqaataat aallarnerfigalugu pisortaalissaaq.

Anne Mette Gangsøy Norgemi Notoddenimi inersimasunut ilinniarfimmi qimaasunullu aqqutissiuinermi pisortaasimavoq, Gullbring Kulturanlæggimilua aamma pisortaanikuulluni.

Aammattaaq Danmarks Radiomi, NRK-mit nunat avannarliit pillugit aallakaatitassianik suliaqarsimavoq.

Nunatsinni nunat avannarliit piorsarsimassutsikkut attaveqaataat nunat avannarliit kulturikkut kalaallillu kulturiannik suleqatigiinnerannik siuarsaaniarneq siunertaralugu 1986-imi pilersinneqarpoq.

NAPA-mi pisortaasimasoq, Mats Bjerde Sverigemeersoq ukiuni tallimani atuutereerluni siorna oktobarip 31-anni soraarpoq.