Nunatsinni naligiissitaaneq FN-imi sammineqarpoq

Pissutsit qanoq innerinik nalunaarusiaq danskit naalagaaffiata Geneve-mi ullumi saqqummiuppaa.

Angalaqatigiissitat Danmarkimeersut, nunatsinneersut, Savalimmiuneersullu peqataapput. Naalagaaffimmi naligiissitaaneq qanoq innersoq saqqummiussinermi ilaatigut saqqummiunneqarpoq.

Arnat immikkoortinneqartarnerat nunat tamalaat ataatsimiititaliaanni nungusarniarneqarpoq, tassungalu tunngatillugu Namminersornerullutik Oqartussat naligiissitaanissamut suleqatigiissitaliaata suliniarnera, ilaatigut arnat tarnikkut timikkullu anniartinneqartarnerannik nungusaaniarnermi KNR-TV aqqutigalugu takoqqusaarutiliat suliniutaaneri saquummiunneqarput.

Nunatta aallartitaata, Adam Wormip, saqqummiinermini ilaatigut aamma eqqartorpaa, inatsisartuni arnat ilaasortaasut katillugit 38 procentiuneri, kommunalbestyrelsenilu ilaasortat arnat 27 procentiuneri aamma eqqaaneqarput.

Ataatsimiititaliamut saqqummiunneqartut, ataatsimiititaliallu qisuariaatigisai, sapaatit akunneri arlalialunnguit qaangiuppata saqqummiunneqarumaarput.