Nunatsinni naartuersittarnerit amerlanersaapput

Nunatsinni naartuersittarnerit amerlavallaarujussuarnerat folketingimi suliassanngortinneqartoq, AG-mi allaaserineqarpoq.

Søren Espersen, Dansk Folkepartiimi aamma Folketingip Kalaallit Nunaannut ataatsimiisitaliaani ilaasortaq isumaqarpoq, Kalaallit Nunaanni naartuersittarnernut amerlavallaarujussuartunut Danmarkimi naalakkersuisut akuleruttariaqartut.

Taama qisuariartoqarpoq nunani avannarlerni kisitsisitigut paasissutissani ukiumoortumik saqqummersartuni Nordic Statistical Yearbook-imi takutinneqareersorlu. Kalaallit Nunaanni innuttaasut 1000-iugaangata naartuersinnerit Danmarkimi naalagaaffiup sinneranut sanilliullugit pingasoriaatip missaannik amerlanerusarput.

Ministeriunermut Anders Fogh Rasmussenimut apeqquteqaatimini Søren Espersenip kissaatigaa Kalaallit Nunaanni naartuersittarnerit appartinniarlugit sunik suliniuteqartoqarsinnaaneranik nassuiaateqartoqassasoq. Taamatuttaaq naartuersittarnerit amerlaqisut ministeriunermit isummerfigineqarnissaat nunatsinnilu naalakkersuisunut atatillugu naalakkersuinikkut suliniuteqarnissaq piumasaraa.

Peqqinnissakkut Nakkutilliisoqarfik naapertorlugu siorna naartuersinnerit 905-it pisimapput, ukiullu siuliani 869-iusimallutik. Nunat avannarliit akornanni naartuersinnerit taakku amerlanerpaapput, tassalu imaappoq kalaaliaqqamik inunngortoqarnerit tamaasa naartuersittoqartarnera taamaaqatigiinnaraa.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat