Sinerissami sapaatit akunnerini aggersuni misissuinerit annertusiniarpavut, Nunatta nakorsaanera oqarpoq.Assi: KNR

Nunatsinni misissuineq kingulleq tunillatsittunik naammattuuviffiunngitsoq

Nunatsinni coronavirusimik tallimanngornermi misissortissimasut 43-t tunillatsissimanngitsut, naalakkersuisut sapaammi nalunaarutigaat.

Misissuinerit kingulliit naalakkersuisunit tusarluarneqarput

- Misissuinerit tamarmik tunillatsissimasunik peqanngillat tamannalu tusagaq nuannersuuvoq, 00:00:10Ineqarnermut Attaveqaqatigiinnermullu Naalakkersuisoq, Karl Frederik Danielsen tusagassiortunik katersuutsitsinermi sapaammi oqarpoq.

Misissukkallu kingullit inerneri, nakorsaanerup nuannaarutigai.

Misissuinerit kingulliit naapertorlugit tunillatsittoqanngimmat tamanna nutaarsiassatsialaavoq, Nunatta nakorsaanera, Henrik L Hansen oqarpoq.

Maannamut misissuinerit 402-t tigusimalerpavut, taakkunanngalu 100-t sinerissameersuullutik.

Nuummili suli tunillaassuisoqarsinnaavoq, taamaattumik najoqqutassiat malinnissaat pisariaqarpoq, nunatta nakorsaanera, Henrik L. Hansen oqarpoq.

Sinerissami misissuinerit amerlineqassasut
Sinerissami sapaatit akunnerini aggersuni annertusiniarpavut - sinerissamilu ataasiakkaanik tunillaatissagaluarpat tuniluuttoqannginniassammat immikkut inissinneqassapput, nakorsaaneq sapaammi taama oqarpoq.

Nunarfimmi misissuisoqarsinnaanngimmat, nunaqarfimmiut illoqarfimmut qaninnerpaamut ornigulllutik misissortittariaqassapput. 

Politiit angerlarsimaffinni perulluliortunik tallimanngornerup unnuaani ulapingaatsiarsimasut arfininngornermi nalunaarutigineqarpoq.

Nuummi ulloq unnuarlu kingulleq innuttaasut eqqissisimasimapput, tamannalu pitsaasuuvoq innersuussutillu malinneqarnerat pisiniarfinnilu inuit pissusilersornerat toqqissisimanarpoq, politiinspektørini  pisortaq, Svend Foldager oqarpoq.

Isummersuutit