Nunatsinni kiannerpaaffimmik rekordiliisoqarpoq
Maniitsumi silasiorfimmi 25,9° Celsiusimik kiattoq uuttorneqarpoq.
Uuttorneqartuni kiannerpaaq 25,5°Celsiusiusoq Kangerlussuarmi ukiut 13-it matuma siornagut 1990-imi juulip 27-anni uuttorneqarpoq. 1958-imili kiassutsimik uuttuisoqartalerpoq.
- Taama kiatsigineranut nassuiaatissaapput naqitsinertuffiup Nunatta nalaaniittup aamma naqitsiniisaffiup Qeqertaaluup nalaaniittup ataqatigiinnerisigut annerusumik kujasik'kangisimmik anorlernera taamaalillunilu nunasarnertitsilersinnaanera. Tamannalu uppernarsarneqarluni silaannaap marlunngrmat panertorujussuuneranik, DMI-mimmi uuttorneqartut najoqqutaralugit isugutannerata 20 procentit ataassimagamigit.
Maniitsumi DMI-p silasiorfia aamma imammut sammisumiimmat ualineranilu seqernup immamit utersaarnera pissutigalugu tamanna kiassutsimut sunniuteqassangatinneqartoq, DMI-p nittartakkamini maluginiaqquaa. Taamaattorli tamatumunnga atatillugu oqaatigalugu:
- Immikkut ittumik kiannerujussua, silamilu pissutsit taama kiatsigineranut patsisaasut 'eqqumiigisassaanngillat'. Ukiunimi makkunani silap kiatsikkiartornera nalinginnaasumik malugineqarsinnaasoq, DMI-mit oqaatigineqarpoq.