Nunatsinni inuussutissarsiorneq danskinit soqutigineqartoq
-GA-minngaanniit qaaqquneqarnera aallavigalugu Kalaallit Nunaanniippunga. Tamatta pissarsiaqaatigisatsinnik ulluinnarni pitsaasumik inerititaqarfiusumillu suleqatigiippugut. Qanittukkut ataatsimoorluta Danmarkimi ataatsimeersuarpugut maannalu uanga Kalaallit Nunaannukarpunga, Karsten Dybvad aallartitat ataatsimiinnerasnni unillatsiartoqarnerani knr.gl-imut oqaluttuarpoq.
Kalaallit Nunaanni naalakkersuinikkut pissutsit piffissami kingullermi Danmarkimi sammineqartupilussuupput. Qinersineq pissutigalugu, aammali suliniutit angisuut pillugit inatsisip akuerineqarnera pissutigalugu. Aamma Dansk Industrip ilaasortaatalu tamanna soqutigisaqarfigisupilussuuaat.
-Ataatsimeersuarnermi ingerlanneqaqqammersumi Kalaallit Nunaanni pissutsit danskit suliffeqarfiinit soqutigineqartupilussuupput. Suliffeqarfiit ilaat maani nunami suliaqareersimapput allallu maani suliaqalernissaminnut soqutiginnittupilussuullutik. Kalaallit Nunaanni pisut malittarilluarpakka, aamma ilaasortavut taamaaliorput, Karsen Dybvad oqarpoq.