Nunatsinni inuit coronavirusimut misissortittut maannamut katillutik 10.000-upput. Nuummi Brugsenip eqqaani kalaalimineerniarfiusimasoq, Kalaaliaraq, misissuisarfinngorpoq. Nuummi peqqinnissaqarfimmi tamatuma saniatigut misissortittoqarsinnaavoq.Assi: KNR / Malik Brøns

Nunatsinni inuit marluk coronavirusimik tunillatsissimasut peqqisseqqittut

Nuummi inuit marluk coronavirusimik tunillatsissimasut peqqisseqqipput.

Nuummi inuit marluk coronavirusimik tunillatsissimasut peqqisseqqipput.

Nunarput taamaalilluni coronavirusimik tunillatsissimasueruppoq. 

Angerlarsimaannarneq misissorteqqinnerlu

Naalakkersuisut nunatsinnut tikittut tikinnerminnit ullut tallimat qaangiunneranni misissorteqqittarnissaannut malittarisassat atuutilerseqqinnikuuaat. 

Angerlarsimaannarninni pisuttuarsinnaavutit aamma najugaqatigisannut qanillisinnaavutit. 

Niuerniarsinnaavutit.

Allanut pulaassanngilatit, pulaartoqassanngilatit, bussissanngilatit, taxassanngilatit suliartussanallu.

Nunatsinnut tikinnermi ullut tallimat qaangiunneranni misissorteqqissaatit. Misissortinnerup tunillatsissimannginneq uppernarsarpagu suliartoqqissinnaavutit nalinginnaasumillu inuunerit ingerlateqqissinnaallugu.

Misissorteqqinnianngikkuit ulluni 14-ini angerlarsimaannassaatit aatsaallu ersiuteqanngikkuit suliartoqqillutit.

Inuit marluk taakku coronavirusimik tunillatsissimasutut oktobarip aallartinnerani paasineqartut, peqqisseqqittutut nalunaarutigineqarput.

Taakku coronavirusimik tunillatsissimasut oktobarip ulluisa arfineq-aappaanni arfineq-pingajuannilu nalunaarutigineqarput. Nuummi inunnik coronavirusimik ukiup affaani taamani tunillatsissimasoqanngilaq. 

Peqqisseqqittutut maanna nalunaarutigineqartup aappaa nunatsinnut oktobarip ulluisa sisamaanni tikippoq. Taanna coronavirusimik tunillatsissimannginnermut uppernarsaammik Københavnip mittarfianiit nunatsinnukalerami tunniussivoq. Taanna tikinnerminiit malittarisassat naapertorlugit ulluni tallimani angerlarsimaannarsimallunilu tamatuma kingorna misissorteqqissimavoq. Coronavirusimillu tunillatsissimasoq misissorteqqinneranit erserpoq. 

AAMMA ATUARUK Tamaat isigalugu: Coronavirus pillugu killiffik

Inuk alla coronavirusimik aamma tunillatsissimasoq aqaguani nalunaarutigineqarpoq. Taanna tunillatsissimasutut nalunaarutigineqaqqaartup qanigisarigaa, Namminersorlutik Oqartussat taamani nalunaarput. 

Nunatsinni illoqarfiit pingaarnersaanni inuit marluk tunillatsissimasut eqqaassanngikkaanni, Nanortalimmi inuk ataaseq  coronavirusimik tunillatsissimasoq juulip ulluisa 24-anni nalunaarutigineqarpoq. Tamatuma saniatigut Ilulissani inuk ataaseq Aasiannilu inuk ataaseq tunillatsissimasutut aamma nalunaarutigineqarnikuupput. Tunillatsissimasut sinneri Nuummeersuupput. 

Nunatsinni inuit tunillatsissimasutut paasineqarnikut katillutik 16-iupput – taakkualu tamarmik peqqisseqqittutut nalunaarutigineqareerput. Taakkunannga arlaannaalluunniit napparsimmavimmut unitsitaanngilaq.

Isummersuutit

Coronavirusimik tunillatsinissaq pinaveersaaruk

Nunatsinni coronavirusi pillugu killiffik

  Misissorneqareersimasut 13307
  Tunillanneqarsimasut
18
  Peqqisseqqittutut nalunaarutigineqartut 18
  Napparsimavimmi uninngasut 0
  Anersaartuuteqartitaasut 0
  Toqquteqartut 0
Takuuk: nun.gl Nunatsinni Nakorsaaneqarfik
  Nutarterneqarpoq
  decembarip 1-at 2020 nal. 10:45