Nunatsinni innuttaasut siunissami ikiliartussapput

Nunarput 2040-mi ullumikkumit 2.500-nik ikinnerusunik inoqassangatinneqarpoq. Peqatigitillugu innuttaasut ukiuisa agguaqatigiissinnerat qaffakkiartussaaq, innuttaasullu 70-ileereersimasut innuttaasut ullumikkut 4,5 %-erisaat 10,8 %-nngussallutik.
Allattoq Peter Troelsen, Simon Uldum
maajip 16-at 2013 09:09

Nunatsinni angutit arnanit suli amerlanerusupput. Assigiinngissut taanna innuttaasut 25-ileereersunut atuuppoq. Arnat ingerlaqqiffiusumik ilinniarniarlutik Nunatsinnit aallartarnerannik ilinniareernermilu kingorna assigiinngitsunik pissuteqartumik Nunatsinnut uteqqittannginnerannik pissuteqarpoq.

Innuttaasunut 70-ileereersimasunut tunngatillugu killormorluinnaq inissisimasoqarpoq. Taakkumi arnartaat amerlanerungaatsiarput, tamannali angutit  ukiuisa agguaqatigiissinnerisat arnanut naleqqiullugu appasinnerunera pissutaavoq.

Misissuineruttaaq takutippaa nunaqarfinni inunngortartut nunatta sinneranut naleqqiullugit amerlanerusut, arnallu nunatta avataani inunngorsimasut arnanut nunatsinni inunngorsimasunut naleqqiullugit malunnaatilimmik kinguaassiunnginnerusut.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq