Nunatsinni innuttaasut ikiliartorput

Nunatsinni innuttaasut 2007-mi 56.648-niit 2008-mi 56.462-nut ikileriarsimapput. Tamanna ukioq 2007-mi innuttaasut nunanut allanut nuuttarsimanerannik pissuteqartoq Sermitsiap nittartagaani allaaserineqarpoq.

Ukioq 2007-mi 2.983-it nunanut allanut nussimapput, nunatsinnullu nuuttut 2.417-iusimallutik. Aamma 2007-mi meeqqat 853-it inunngorsimapput, inuillu 451-it toqusimallutik. Inunngortartut toqusunit 402-nik amerlanerusimapput.

Ukioq 2001-miit 2008-mut ukiut tamaasa inuit Kalaallit Nunaannut nuuttartut tikittartuniit ukiuni taakkunani amerlanerusarsimapput. Nunatsinniit inuit nunanut allanut nuuttut 3.175-iusimapput, nunatsinnullu nunasisut ikinnerulaarlutik 2.537-iusimallutik.

Paasissutissat taakkua Nunatsinni naatsorsueqqissaartarfiup pisortatigoortumik saqqummiuteqqamisaasa kisisitsisaataanit "Kalaallit Nunaanni innuttaasut 2007"-mit nittartakkakkut saqqummiunneqaqqammersumeersuusut taama Sermitsiaq.gl nittartakkamini allappoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat