Nunatsinni innarluutillit atugaat kommuninit arlalinnit isornartorsiorneqarput

Nunatsinni innarluutillit atugarisaasa pitsaannginnerat avannaani kommuninit ilisarineqareersut kujasinnerusumi kommunit ajornartorsiutaasartunut ilisarseqataapput.

Inuit Pisinnaatitaaffiinut Instituttip, Nunatsinni innarluutillit atugarisaat sakkortuumik isornartorsioreerpaat, avannaanilu kommunit marluk ajornartorsiut ilisimarisinnaagaat sapaatip akunnerata siuliani oqaluttuaraarput.

 

AAMMA ATUARUK Isornartorsiuineq kommunenit paasineqartoq

Qeqqata Kommuniani Ilaqutariinnermut Isumaginninnermullu Ataatsimiititaliami Siulittaasup Inuit 
Pisinnaatitaaffiinut Instituttip Nunatsinni innarluutillit atugarisaat pillugit isornartorsiutaat ilisarisinnaalluarpai.
-Aap ilisarnaput, imalu nangippoq.

-Innarluutilinnut tunngatillugu ilinniarsimasut amigaataajuaannarput, ilisimaneqarnerilu annikitsuararsuulluni, Hans Frederik Olsen oqarpoq.

Qeqqata kommuniani ajornartorsiut ilisarineqareersoq Kommuni kujallermi aammaarluni ilisarineqarpoq.

Isornartorsiutigineqartut

1. Ilinniarfinni innarluutilinnut sullissisinnaasut amigaatigineqarneri.

 

2. Innarluuteqarneq pissutigalugu  assigiinngisitsisoqartillugu (diskrimination) illersuutaasinnaalluartunik peqannginnera

3. Angallannikkut periarfissalunnerat. 

4. Nunatsinni innarluutilinnut tunngasunik paasissutissanik ilisimasanillu amigaateqarnera uparuarneqarpoq.

 

 


 
-Ilaana ilisarnaqaat, Kommune Kujallermi Isumaginninnermut Ataatsimiititaliami siulittaasoq Mari S. Abelsen oqarpoq.
Taassumalu ilaatigut oqaatigaa innarluutilinnut sullissisinnaasunik ilinniarsimasunik amigaateqartoqartoq.
-Kommune Kujallermi aamma ajornartorsiutigivarput imaluunniit unamminartoqartipparput, inuit ilinniarsimasut ingammik innarluutilinnik suliaqartut, Mari S. Abelsen oqarpoq.

Innarluutillit pillugit inatsisissap Inatsisartut upernaamut ataatsimiinnissaanni saqqummiunneqassasoq, Isumaginninnermut Naalakkersuisup Martha Abelsenip KNR-imut siusinnerusukkut oqaatigaa.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat