Assi: Herstedvester Fængsel

Nunatsinni inissiisarfinniittut ulorianartorpassuupput

Nunatsinni isertitsivimmiittut innuttaasut amerlassusaannut naleqqiullugit nunanit allanit amerlanerusut, kisitsisit nutaat takutippaat. Nunanut avannarlernut sanilliullugit navianarnerujussuartut aamma nalilerneqarput.

Nunatsinni Innuttaasut 100.000-iugaangata pineqaatissinneqarsimasut inissiisarfimmiittut nunanut avannarlernut sanilliullugit sisamariaammik amerlanerupput.  

Ilisimatusarfimmi lektorip, Annemette Nyborgip oqalugiaataani tamanna paasinarsivoq.

Aamma atuaruk Inissiisarfittaassap inissaaleqiffiunissaa aarleqqutigineqartoq

Taassuma ilanngullugu oqaatigaa nunatsinni innuttaasut 6 procentiinnai Tunumeersuugaluartut isertitsivimmiittut tallimararterutai Tunumeersuusut.

Isertitsivimmiittullu suliffeqaannarnissaat Pinerluttunik Isumaginnittoqarfimmit pingaartinneqaraluarluni amerlanerussuteqartut suliffissaaleqisut, Annemette Nyborg allappoq.

Paasissutissat

Isertitsivimmiittut, innuttaasut 100.000-iugaangata 

  • Kalaallit Nunaat 270 (226 Herstedvester minillugu).

  • Norge: 70 

  • Danmark: 58

  • Finland: 55

  • Sverige: 53

  • Island: 44

  • Savalimmiut 19. 

Tigummigallarneqartut 

  • Kalaallit Nunaat 24 procent

  • Danmark 2 procent 

Tassa isertitsivimmiittut 45 procentii upernaami 2015-imi suliffeqanngillat.

Angerlarsimaffeqanngitsut

Taassuma saniatigut inuusuttut angerlarsimaffeqanngitsut isertitsivinniittartut paasineqarpoq. Inissiisarfimmiittut affai sinnerlugit angerlarsimaffeqanngitsuupput, taakkunanngalu 68 procentii 18-iniit 25-nut ukioqarlutik.

Aamma atuaruk Qasilitsunik seqqartaatinik atuisalernissap isorineqarneranut akissuteqartoq

Nunatsinni inissinneqartussatut pineqaatissinneqartut isertinneqartunit amerlanerupput, tamannalu isumaqarpoq inunnut allanut navianarsinnaasut amerlanerussuteqartut. 

 

 

Herstedvester ​

Pineqaatissineqarsimasunut inissiisarfimmiittut sisamararterutai killiligaanngitsumik pinerluuteqarsimasunut inissiisarfimmiitinneqartarput. Danmarkimi parnaarussivimmiittut 2 procentiinnai inissinneqartussatut pineqaatissinneqarsimasuupput. 

Annemette Nyborg upernaakkut 2015-imi kisitsisaataasut aallaavigalugit misissuivoq, kisitsisillu allanngortussaasut erseqqissaatigaa.

Aamma atuaruk Inissiisarfimmiittut katsorsarneqartalerput

Nuummi inissiisarfittaassaq

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat