Nunatsinni immiaaraq nunarsuarmi akisunerpaanut ilaavoq
Kalaallit Nunaat allattukkat aappanni ilaavoq, oqaatigisinnaavarpulli akikinnerpaat allattorsimaffianiinngimmat!
Baajap ½ liiterip missaata imerniartarfimmi akia najoqqutaralugu naatsorsuisoqarsimavoq.
Baaja ½ liiteri allattukkat malillugit Kalaallit Nunaanni 43 koruunit missaannik akeqarpoq, baajanik nunarsuaq tamakkerlugu akisunerpaatitsisut tallimaannut ilaalluni. De Forenede Arabiske Emirater baajasiffigissallugu akisunerpaavoq, tamaani nillataartumik baajatorniaraanni 60 koruunit missaannik akeqarpoq, tassa Kalaallit Nunaannut naleqqiullugu akisunerungaatsiarluni.
Korea Avannarleq, kommunistiusoq, baajat akiinik allattorsimaffiup aappaani nassaassaavoq. Nunat akikinnerpaamik baajasiffiusinnaasut taanna sisamaraat. Kisimiillunili angalaffigeqqusaanngilaq, naalakkersuisut peqqusinerat malillugu angalasunik nassuiaassisartumik ingerlaqateqarnissaq tamaani piumasaqaataammat. Kiffaanngissuseqarpiannginnermulli taarsiullugu tuppallersaatigineqarsinnaavoq baaja ½ liiterip missaaniittoq pisiarissagaanni 3 koruunit 28 øriinnarmik akeqarmat.
Akikinnerpaamik baajasiffigineqarsinnaasoq tassaavoq nuna kiattuniittoq, Panama, tamaanga takornariat 2 koruunit 59 øriinnarmillu akiliillutik ataasinnguartorsinnaapput.
