Nunatsinni ilinniartut praktikkerfissaaleqipput

Nunatsinni tunngaviusumik ilinniartunngorniarlutik qinnuteqartartut ukioq manna ilanngullugu amerlasuut suli praktikkerfissaaleqipput.

Siorna tunngaviusumik ilinnialersunit ilimagisamit amerlanerit praktikkerfissarsigaluartut ukioq manna praktikkerfissarsisussat siornamut naleqqiullutik allanngungaarnisaaat ilimanaateqanngitsoq, Ilinniartitaanermut Pisortaqarfimmi pilersaarusiornermut siunnersorti Siiva Fleischer ilisimatitsivoq.

Siorna ilinniartut praktikkerfissarsisimasut

2003-mi praktikkerfissarsisimasunit amerlanerulaarput.

- Ukioq mannali praktikkerfissaqarniarneq siornatut isikkoqarpoq, septembarilli ingerlanerani takussavarput piffissaq kingulleq atorlugu praktikkerfissarsisut siornatulli amerlatigissanersut, Siiva Fleischer oqarpoq.

Siornaak tunngaviusumik ilinniagaqarniarlutik qinnuteqarsimapput 648-t, taakkunannga 348-t praktikkerfissarsisimallutik.

Siorna tunngaviusumik ilinniagaqarniarlutik qinnuteqarsimapput 795-it taakkunannga katillutik 303-t praktikkerfissarsisimallutik.

Ukioq manna tunngaviusumik ilinniagaqarniarlutik qinnuteqartut 800-t 900-llu akornanniittut Siiva Fleischer oqarpoq.

- Ulloq manna tikillugu suli qinnuteqaatinik takkussortoqarpoq, mannalu tikillugu qinnuteqartunit 208-t praktikkerfissarsereerput, 700-lli tungaannoortut suli praktikkerfissaaleqipput Siiva Fleischer oqarpoq.

Savimminilerinermik, sanaartornermik kiisalu Inuilimi ilinnialersartut amerlasuut praktikkerfissaaleqisarmata sulititsisut tamanna pillugu assut eqeersimaaqqunartut, Siiva Fleischer erseqqissaavoq.