Nunatsinni ilinniartitaanikkut oqaluttuarisaaneq

Nunatsinni ilinniartitaanerup oqaluttuassartaa pillugu aallakaatitassiat pingasuusut siullersaat, KNR-TV-p unnugu nalunaaqutaq 19.55 aallakaatissavaa.
Allattoq Elisa Isaksen
juunip 16-at 2009 17:26

Ilinniartitaaneq, ilinniartitaaneq, ilinniartitaaneq, oqaaseq taanna Namminersornermut ikaarsaaraluttualernitsinni pingaaruteqarnerpaatut oqaatigineqartarpoq.

Aallakaatitassianik aaqqissuisoq Tupaarnaq Rosing Olsen, aperaarput Nunatsinni ilinniartitaanermik aaqqissuussinermi, Hans Egedep nalaaniit ullutsinnut arlaatigut pingaarutilinnik assigiissuteqarnersoq?

- Nunatsinni ilinniarsinnaatitaaneq aallartimmalli inuusuttunik ilinniarusuttoqartuaannarsimavoq. Taamaattorli assigiinngitsunik aporfissaqartarsimavoq, soorlu ilinniarusukkaluartunut oqaatsit aporfiusarsimapput.

Nalunngilarpummi atuartitaaneq ilinniartitaanerlu eqqunneqarmata, danskit ilinniartitaanermut aaqqissuussisarnerat atorsimagipput.

- Aaqqissuusseqqinerit takutippaat Nunatsinni uagut kulturerput, inuiaqatigiiussuserput oqaatsivullu aallaaviginerugutsigik, ilikkagassat pitsaanerusumik ilikkarsinnaasarivut, taama oqarpoq tusagassiortoq Tupaarnaq Rosing Olsen.

"Nunatsinni ilinniartitaanikkut oqaluttuarisaanerup" immikkoortua siulleq unnugu nalunaaqutaq 19.55 aallakaatinneqassaq, aallakaatitallu tullii marluk aqagu aqaguagulu piffissap taamaalinerani aallakaatinneqartassapput.

Nutaarsiassami kukkunermik nassaarsimaguit uunga allaffigineqarsinnaavugut.

Aamma atuaruk