ASSIT Nunatsinni ikaartarfiit glasfiberiusut siullersaat atoqqaartinneqartoq

Qaqortumi ikaartarfik nutaaliaasoq ippassaq aggustip sisamaani atoqqaartinneqarpoq.

Aasarimmi silaqqisseruttortoq Borgmester Jørgen Wæver Johansen (S) aammalu borgmesterip tullia Simon Simonsen (S) nunatsinni ikaartarfiit glasfiberiusut

Borgmester Jørgen Wæver Johansenip (S) innuttaasut ikaartarfittaarnerinik pilluaqquai, ikaartarfik taanna sanasunit Qaqortumiunit immikkullu kiisalu immikkut ilinniarsimasunit Danmarkimeersunit sananeqarpoq. Ikaartarfik ineriigaalluni katitigassaanaavoq danskit suliffeqarfiutaannit Europamut tamarmut ikaartarfinnik glasfiberiusunik tuniniaasartumit pisiaalluni.

Borgmesteri oqalugiarnermini oqarpoq ikaartarfik ”Alleq” 1959-imeersoq assorsuarlu aserfallassimalluni, nutaamillu taarsertariaqalivissimalluni. Oqalugiaammini ilaatigut ima oqarpoq:

- Ilaanni nutaamik eqqarsarnissaq pisariaqartarpoq - ikaartarfimmilu nutaami taamaaliorpugut. Inerneralu tassaavoq una ikaartarfik glasfiberimik kuisaasoq, soorlu tassa umiatsiaaqqavut umiatsiavullu glasfiberimik kuisaasut, Jørgen Wæver Johansen taama oqarpoq.

Ikaartarfik glasfiberiusoq nutaaq 60 tonsinut akuerisaavoq - tassa pisoqqamiit 20-eriaammik.

Ikaartarfik Alleq Qaqormiinut katersuuffiujuarsimavoq, ilaatigut meeqqat, inuusuttut inersimasullu nallukkumatuut nalluffigisarpaat kiisalu illoqarfiup immikkoortuinik marlunnik attaviliisuulluni.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat