Nunatsinni iggarinnerpaaq toqqarneqalerpoq

Kalaallit Nunaanni igasutut naammassisimasut iggarinneqqusaannerat ullaaq nal. 08.00 Narsami Inussutissalerinermut Ilinniarfimmi, Inuili-mi aallartippoq.

-Ippassaq ualikkut qialeriataarpunga pissangallunga. Kisianni qujanartumik sinilluarsimavunga itiaarujussuarlungali, Tonie Mølgård Lyberth Kangerlussuarmersoq oqarpoq. Taanna qaammatit marlungajaat matuma siorna igasutut naammassivoq.

-Igasut eqqissiveqanngilat pissangagamik. Peqataasut ataqqisaalertarput tusaamasaalerlutik. Apeqqutaanngilaq normu qassinngorneq. Maanimi igasuullammannik nalilersorneqassapput. Kisianni pitsaanerpaatut toqqakkat, pisussaaffeqalertarput imaannaanngitsunik. Uterunik pitsaalluinnartunik takutitsiuartariaqalissagamik, Erwin Lauterbach Hellerup-imi neriniartarfimmi Saison–imi igasoq, GM–ertunilu dommereeqataasoq oqarpoq.

Erwin Lauterbach-ip aatsaat nunatsinniinnerartup, naatsitat taama ikitsigisutut atorlugit igasinnaaneq eqqummiitsulionertut oqaatigaa. Aamma erseqqissarpaa, igaat mamassusaat siullerpaatut dommeriulluni nalilerneqartartoq.

Igasunngorniat arfineq-pingasut sisamanngormat ullumilu igasutut naammasisimasut arfineq-pingasut unammersuarput. Iggavimmi ikiortinngorniat saqisutullu ilinniartut unnummut nerersuaqatigiinnissaq piareersaaqataaffigaat.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat