Nunatsinni filmiliortartut tapersersorneqarlik

IA sinnerlugu folketingimi ilaasortaq Sara Olsvig § 20 najoqqutaralugu apeqquteqarsinnaanini atorlugu IA-p qanga sorsuutigisimasaa qaqileqqinnialerpaa.

IA-p inatsimmik siullermik qaqiliinerat 2008-mi pivoq, taamanili piorsarsimassutsimut ministeriusup ingerlaannaq ima akissuteqarfigaa: Filmiliortartunut inatsit Savalimmiunut Kalaallit Nunaannullu atuutinngilaq.

- Tamatuma kingorna nunatta Naalakkersuisuinit tapersersorneqarluni IA-p folketingimi suliaq ingerlateqqimmagu maanna naalakkersuisuusut allaanerusumik isumaqartut paasinarsisimavoq, tassalu qallunaat filmiliortartunut inatsisaanut Kalaallit filmiliortartut ilanngunneqarsinnaarpasilerlutik, Sara Olsvig oqarpoq.

Sara Olsvigip allakkatigut apeqqummi saniatigut, qallunaat kulturimut ministeriat pilersaarutit naapertorlugit naapeqqikkuniuk suliaq qaqileqqissamaarpaa.