Avanersuarmiut pinngitsaalisaallutik nunaminnit nuutsitaasimasut pillugit pisimasuinnik tunngaveqarluni filmiliaq, Danmarkimi TV-kut akissarsisitsinissamut innersuunneqarpoq.
Filmi ateqarpoq ”Hingitaq – De fodrevne” isumaqarporlu ”Hingitaq – qimaatitat”. Filmip imarivaa amerikamiut Avanersuarmi 1953-mi timmisartoqarfiliorneranni innuttaasut pinngitsaalisaallutik nuutsitaanerat.
Filmi qallunaat oqartussaasuisa ukiut ingerlanerini nuutsitsinermut tunngasunik isertuussisimanerannik tikkuussivoq.
Filmimik sanasuupput Ulrik Holmstrup aamma Jørgen Pedersen tv-kut aallakaatitsinermi ilisimaneqarluartut.
”Hingitaq” – De fordrevne” filmit akissartitsinneqarnissamut innersuunneqartut arfineq marluk akornaniippoq.
Akissarsititsinissaq TV-Oscar-imik taaneqartartoq Danmarkimi pisimasuinnik tunngaveqarluni filmiliat akissarsisitsinerit akimanersaattut isigineqarpoq.