Nunatsinni eqqartuussinerni illersuisuusartut peqatigiiffiliorput
-Eqqartuussisarnermi inatsit nutaaq najoqqutaralugu illersuisut, piginnaatitaaffeqalissapput, ilinniagaqarnermillu ingerlatsisimassallutik. Tamatumuunakkut illersuisutut atorfik qaffassarneqarpoq, taamaattumik peqatigiiffitsinni Illersuisumi suliatta oqaluuserisarnissaat, isummatsinnillu illersuiffissaqarnissarput, sulinitsinni pisariaqartittussaavavut, peqatigiiffimmi siulittaasunngortoq, Bjørn Chemnitz, oqarpoq.
Inuit Nunatsinni angerlarsimaffeqartut, eqqartuussisarnermilu inatsit naapertorlugu illersuisuunissamut piumasaqaatinik naammassinnissimasut, kisimik, peqatigiiffimmut ilaasortaasinnaapput.
Ilaasortaasinnaanissamut aammattaaq piumasaqaataavoq, inuit Nunatsinni Eqqartuussiveqarfimmi eqqartuussisup illersuisutut akuerisimasai kisimik peqatigiiffimmi ilaasortaasinnaatitaasut.
