Kalaallit eqalussuaat uumatillugu ersinaraluartoq, toqungatillugu atisatut mutitut, angerlarsimaffimmilu pisattanut pinnersaasiarissallugu, kusanarluinnarpoq.
Eqalussuup amia misissortereerparput, paasinarsivorlu amia nersussuup amianiit tallimariaammik pitsaanerusoq. Ameq kuukkooriarsuup amiatut pitsaatigaaq, The Greenland Company-mik pilersitseqataasoq Nauja Lynge Lyngesen Sermitsiamut oqarpoq.
Inniminnikkat siulliit suliarileruttorpavut, tassaasut kamippaat, ukiamut atisarineqartussat, Nauja oqarpoq.
Eqalussuit amii, suliffeqarfiup atuligai, Uummannap eqqaaneersuupput.