Assi: KNR

Nunatsinni coronavirusimik tunillatsissimasoq alla paasineqartoq: Nuuk matuvoq

Coronavirusimik tunillatsissimasoq nunatsinni siulleq ataasinngormat uppernarsarneqarpoq.

Inuit marluk nunatsinniittut maanna tunillatsissimapput. Naalakkersuisut siulittaasuat, Kim Kielsen tusagassiortunik katersortitsinermi oqarpoq.

- Nakorsaaneqarfimmiit nalunaarfigitippunga, maani Nuummi covid-19-imi nappaateqartoq siumorneqarsimasoq, massakkut taamaalilluni nunatsinniittut marluupput.

Tunillatsissimasoq nutaaq Nuummi allanit tunillaasimasinnaasoq Kim Kielsenip oqaatigaa. Taamaammat upalungaarsimanermi sukaterisoqarpoq. Tamanna pissutigalugu Nuummi aaqqissuussinerit tamarmik inunnik qulinik amerlanerunissaat ullumi sisamanit inerteqqutigineqalernissaa Naalakkersuisut aalajangerpaat. Inerteqquteqarneq Nuummiinnaq sapaatini-akunnerni pingasuni atuutissaaq.

- Nuuk ullumikkut sisamanit matussaaq, Kim Kielsen oqarpoq.

Uippakajaartoqarnissaanut pissutissaqanngitsoq, Naalakkersuisut siulittaasuata erseqqissaatigaa. Nioqqutissanik assartuineq suli ingerlavoq, inuussutissanik pilersuineq aamma unittoornavianngilaq, pisiniarfiillu ammaannassallutik.

Nuummiit assartuinerit tamarmik inerteqqutaalerput. Ilinniarfeqarfiit ulluunerani paaqqinniffiit tamarmik matupput, inuiaqatigiinnilu immikkut ittumik atorfillit meeraannut paaqqikkasuarfinnik pilersitsisoqassaaq.

- Tuniluuttoqarneraniinngiagut, ksiianni taama pisoqaratarsinnaaneranut pinaveersaartitsiniarluta taama suliniuteqarpugut, nakorsaaneq oqarpoq.

AAMMA ATUARUK Nunatsinni inuk ataaseq coronavirusimik tunillatsissimasoq

Inuup sumi tunillatsissimanerata nalunartoq

Tunillatsissimasumut siullermut sanilliullugu tunilatsissimasoq nutaaq sumi tunillatsissimanersoq Tunillaassortunik nappaalasoqarneranut ataatsimiititaliarsuup oqaatigisinnaanngilaa.

- Inuup sumi tunillatsissimanerata ilisimaneqannginnera ajornartorsiutaavoq. Taamammat inuiaqatigiinni tuniluuttoqarsimalersimaneraniissinnaavugut, nakorsaaneq, Henrik L. Hansen oqarpoq.

Nakorsaanerup unillatsissimasoq ‘Ilisimatusarfimmeernerarpaa’. Taamaammat inuit ilisimatusarfimmiissimasut ersiuteqalersinnaanerminnik maluginiaasariaqarput.

- Pingaartumik malittarisassat malinneqanngiffiini inuusuttut nunatsinnut tikeqqammersut ernumassutigivagut, Henrik L. Hansen oqarpoq.

Illoqarfiit pingaarnerpaannit aallarnerit inerteqqutaasut politiinit, Bjørn Tegner Bayip erseqqissaatigaa.

- Nuummiit angalasoqannginnissaa inussiarnersumik kaammattuutaajunnaarpoq. Tamanna inerteqqutaalerpoq. Umiatsiarluni piniariartortoqarsinnaavoq, kisianni Nuummut utertuaannassapput, politimesteri, Bjørn Tegner Bay oqarpoq.

Naak suliniutit Nuup avataaniittut atuutinngikkaluartut kikkut tamarmik Tunillaassortunik nappaalasoqarneranut ataatsimiititaliarsuup innersuussutaanik malinninnissaat nakorsaanerup kaammattuutigaa.

Virusimik tunillaassuinaveersaarnissamut innersuussutit aaku:

  • Asalluartarneq ajornanngippat asareernermi assaallu panerneranni assanut tunillannartuiaat atorlugu eqqiluisaarluarneq
  • Inuit nuattut/toqqusaarluttut qanillinaveersaarneri
  • Kakkissarfimmut ataasiartakkamut ikutsilluunniit peqiffianut quersorlutillu tangajortarit
  • Kuniuinak, eqitaarinak assammiinallu.

Nutarterneqarpoq...

Nunatsinni coronavirusi pillugu
killiffik

Tunillatseqqasut 93  
Ullumi tunillatsittut 15  
Siullermik kapitissimasut 71%  
Aappassaa kapitissimasut 65%  
Tunillanneqarsimasut 746  
Uninngasut 0  
Anersaartuuteqartitaasut 0  
Toqquteqartut 0  
corona.nun.gl-imi kisitsit takukkit  
   Nutarterneqarpoq: 
Oktobarip 25-at 12:30
 

Coronavirusimik tunillatsinissaq pinaveersaaruk