Nunatsinni biskoppioqqaartoq toqukkut qimaguttoq
Biskoppi soraarneq Kristian Mørch 87-inik ukioqarluni Ilulissani ullumi pingasunngornermi toqukkut qimaguppoq.
Kristian Mørch.
Allattoq Kenneth Elkjær, Bikki P. Kleist
maajip 03-at 2017 17:11
Oqaluttarisaanitsinnilu inuk pingaaruteqarluinnartoq akornatsinniikkunnaarpoq.
Biskoppioqqaarsimasoq, Kristian Mørch Uummannap eqqaani Ukkusissarmiuusoq, Danmarkimi teologiimik ilinniartooreerluni Nunatsinnut uterpoq. 1984-imilu vicebiskoppinngornissami tungaanut sumiiffinni assigiinngitsuni palasitut ukiorpassuarni sulivoq, tamatumalu kingorna biskoppitut atorfeqarsimalluni.
Kristian Mørch nunatsinni siullersaalluni 1993-imi biskoppinngortinneqarpoq, ukiullu marluk qaangiummata biskoppitut soraarninngorami Sofiannguaq Petersen biskoppinngorpoq sulilu biskoppiulluni.
Kristian Mørch 1995-imi soraarninngorami Nuummit Ilulissanut nuuppoq.
