Nunatsinni atorfinnik Odensemi nittarsaassisoqassaaq
Nunatsinni atorfinnik nittarsaassineq Kalaallit Odensemi Illuutaanni aamma Nunat atlantikup avannaamiut Illuutaanni ukiut aappassaannik ingerlanneqassaaq, ilinniagaqartullu allallu Nunatsinni sulinissamik soqutiginnittut Nunatsinni suliffeqarfiit namminersortut pisortallu suliffeqarfiutaasa aallartitaat naapissinnaavaat.
Atorfinnik nittarsaassineq marlunnik immikkoortoqarpoq, aaqqissuussaq tamanut ammasoq aamma kalaallinut Danmarkimi ilinnigaqartunuinnaq aaqqissuussaq.
Suliffeqarfiit atorfinnik nittarsaassinermi sapaatiuppat oktobarip aappaani nal. qulinit ingerlanneqartumi peqataasussat tassaapput:
Air Greenland, Bank Nordik, Sulisilluni Ajoquserinerit pillugit Sullissivik, Inuussutissarsiornermut, Suliffeqarnermut Niuernermullu Naalakkersuisoqarfik aamma Suli.gl, Greenland Venture aamma Greenland Business, aningaasaqarnermut sulisoqarnermullu aqutsisoqarfik, Tele-Post, InuPlan, Kalaallit Illuutaat, Avalak, Naalakkersuisut siulittaasuata Naalakkersuisoqarfia, Sulisitsisut peqatigiiffiat GE, Ilinniartitaanermut, Kultureqarnermut, Ilisimatusarnermut Ilageeqarnermullu Naalakkersuisoqarfik, Nukissiorfiit.
Peqqissutsimut naalakkersuisoqarfik aamma Peqqissutsimut Pitsaaliuinermullu Naalakkersuisoqarfik, KNI A/S, Kommuneqarfik Sermersooq, Mittarfeqarfiit - Lufthavnsvæsenet, Niuernermik Ilinniarfik, Qaasuitsup Kommunia, Royal Greenland, Aatsitassanut aqutsisoqarfik, Peqqissaanermik Ilinniarfik, Ilaqutariinnermut, Isumaginninnermut Inatsisinillu atuutitsinermut Naalakkersuisoqarfik kiisalu GrønlandsBANKEN.
Atorfinnik nittarsaassineq Danmarkimi illoqarfinni ilinniartoqarfissuarni sisamani pissaaq.
Aalborgi, septembarip 30-ani, nal. 14 – 16, DGI Huset Nordkraft, Teglgårds Plads 1
Aarhusimi, oktobarip aallaqqaataani, nal. 10 – 12, Scandic Århus City, Østergade 10
Odensemi, oktobarip aappaani, nal. 10 - 12, Det Nordatlantiske Hus, Promenade 1
Københavnimi, oktobarip pingajuani, nal. 14 – 16, Det Grønlandske Hus, Løvstræde 6
