Nunatsinni atorfinnik Danmarkimi sap. ak. naanerani nittarsaassisoqassaaq
Kalaallit Nunaanni atorfinnik Danmarkimi ukiumoortumik nittarsaassineq sapaatit akunnerata naanerani ingerlanneqassaaq, tassanilu Namminersorlutik Oqartussat Nunatsinnilu suliffeqarfiit soqutiginnittunut - pingaartumillu kalaallinut ilinniagaqartunut ilinniakkaminnik naammassisaqalersunut atorfinnik nittarsaassissapput.
Allattoq mlk, Simon Uldum
novembarip 15-at 2013 06:16
Atorfinnillu nittarsaassineq ukiormanna marloqiusanngorlugu aaqqissuunneqassaaq; tamanut ammasumik aammalu kalaallit Danmarkimi ilinniagaqatunuinnaq.
ILinniartitaanermut Naalakkersuisoq najuutissaaq Kalaallit Nunaata siunissaa pillugu oqalugiaateqassalluni. Suliffeqarfiit peqataasussat 19-iupput, ilaatigut tassaallutik Air Greenland, Greenland Contractors, Royal Arctic Line, Tele kommunillu ilaat.
Ilinniartut ilaatigut atorfiit pillugit Kalaallit Nunaannilu filmiliornermik suliffeqarfiit siullersaata Tumit Productionsip pilersinneqarneranik saqqummiiffigineqassapput.
Atorfinnik nittarsaassineq Københavnimi Scandic Hotelimi sapaatiuppat iungerlanneqassaaq, Aarhusimi SAS Radisson Blumi sapaatiuppat ingerlanneqassalluni.
