Nunatsinni assammik arsarluni pissartanngortoqarpoq

Inussivimmi sapaatit akunnerani ataatsimi unammisaqattaartoqareersorlu, Kalaallit Nunaanni Assammik Arsartartut Kattuffiata U-16-it U-19-illu niviarsiarataat nukappiarartaallu pitsaanersaat suaarutigisinnaanngorpai. Unamminerit pissanganartorpassuupput, Nunattalu nunani tamalaani assammik arsarnerup iluani unammisartussatut piukkunnaatilippassuarnik peqarnini kingumut uppernarseqqiinnarpaa.
Allattoq Peter Troelsen, Simon Uldum
marsip 31-at 2013 15:49

 

U-16-it niviarsiararaanni ajugaasut tassaapput SAK Sisimiuneersoq, Kâgssagssullu Maniitsumeersoq sølvinnalluni. Bronzennattut tassaapput NÛK Nuummeersoq.

U-16-it nukappiarartaanni illoqarfinni taakkunaneersut aamma ujamminnattuupput, GSS-ili Nuummeersoq kuultinnattuuvoq. Kâgssagssuk 2-nngorpoq SAK-lu 3-nngorluni.

Inuusuttuni angajulliit aamma Nuummiuunerusut pissaaneqarfigaat. GSS-ip NÛK ajugaaffigaa Norsaq HC-llu Aasianneersoq bronzennalluni.

GHF-ip unammisartut, aqutsisut, dommerit sapaatit akunnerani assammik arsarfiusumi peqataasut qujaffigai. Aammattaaq Inussivik pitsaalluinnartunik atugassaqartitsisoq qutsavigineqarpoq, aammalu Kommuneqarfik Sermersooq avataaniit tikittut najugaqartinnissaanut ikiuulluarsimasoq qutsavigineqarpoq.

Inernerit ukiormannalu holdit ataani takusinnaavatit

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq