Nunatsinni arsaannermik pissartanngorniunnerit ingerlanneqaleruttorput

Inuusuttuaqqat pissartanngorniunnerat ualimut Nuummi naammassineqarpoq.
Allattoq Elisa Isaksen
juulip 19-at 2008 16:52

B-67 Nuummeersoq inuusuttuaqqat arsaallutik pissartanngorniunneranni kuultinnappoq. B-67 Nagdlúnguamut 1-0-imik ajugaavoq.

Inuusuttuaqqat pissartanngorniunnerat Nuummi ingerlanneqarpoq.

Kugsak Qasigiannguaneersoq bronzinnattuuvoq.

Utoqqasaat nunatta qeqqaneersut unammisaqattaarnerat ippassaq naammassineqarpoq, Nûk Nuummeersoq ajugaasuuvoq.

Arnat pissartanngorniunnissaat sapaatip akunnerata tulliani Ilulissani ingerlanneqassaaq.

Angutit inersimasut aggustip 17-anniit Qaqortumi pissartanngorniutissapput.