Nunatsinni angutini nukittunerpaaq Danmarkimi angutit nukittunerpaat pingajorigaat

Nunatsinni angutit kingullermik nukittuneqqusaanneranni ajugaasoq, Kim Ujarak Lorentzen, nunatta avataani aamma angusarissaaqqammerpoq.

Danmarkimimi angutit arfininngormat nukittuneqqusaanneranni peqataanermini normu 3-nngorpoq.

Kim Ujarak Lorentzenillu Danmarkimi angutit nukittuneqqusaanneranni peqataanermini angusani naammagisaarmarlugillu tulluusimarutigai:

- Naammagisimaartorujussuuara sungiusarnera sivisunerpaannginnami siorna oqimaallisalerninninngaanniit. Massakkumut killiffiga naammagisimaartorujussuuara, unammeqataasullu akornanni oqimaannerit ilaanniilereerlunga.

Taamatut angusaqarnerit ilinnut qanoq isumaqarpa?

- Nuannersorujussuuvoq, aamma tulluusimaarnarpoq kalaalliulluni taamatut angusaqarluni. Aamma neriuppunga nunatsinni inuit allat tigulluarumaaraat piumassuseqalissutigisinnaassagaallu.

AAMMA ATUARUK Unnuk Kulturisiorfik 2017

Siumut eqqarsarutta suna taava anguniassaviuk?

- Allan Juhlilu Danmarkimi angutit nukittuneqqusaanniunneranni angusarissaarnissara siunniunnikuugatsigu siunissami tikkuussisussatut eqqartornikuuarput, taannalu Fitness.gl-imik piginnittuusoq angalaqatigisarpara, taassuma aamma aningaasaliiffigisarlungalu angalanikka akilertarpai. Anguniakkavut taamaasilluta piviusunngortittarpavut. Taakkulu siunissamut pilersaarusiortussaassavagut. Qanoq ingerlariaqqikkumaarnerluta suli eqqartunngilarput.

Angut qallunaaq Danmarkimi angutit nukittuneqqusaanneranni ajugaavoq.

Kim Ujarak Lorentzenip Danmarkimi angutit nukittuneqqusaanneranni peqataanissaminut piareersarnera KNR TV-p malinnaaffigaa, aallakaatitassiarlu taanna KNR TV-mi unnugu nalunaaqutaq arfineq-pingasunut qiteqquppat isiginnaarneqarsinnaassaaq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat