Nunatsinni aluminiuliorfittaarnissaq sulissutigaat

Nunatsinni aluminiumimik tunisassiorfiliornissamik, Amerikamiut aluminiuliorfiat Alcoa eqqarsaateqarpoq. tamanna pillugu Nunatsinni Takornariaqarnermi Inuussutissarsiornermilu Siunnersuisoqatigiit GTE, Island-imi erngup nukissiorfiliortunut takornariarput. Erngup nukissiorfissaq, Islandimi aluminiuliorfissamut nukimmik pilersuissaaq, tamannalu torrallaanerusoq GTE-mi siulittaasoq Ole Dorph oqarpoq:

- Aluminiuliorfissaq takorusussimavarput, nunatsinni aluminiumiliorfissamik sanasoqarnissaa Alcoamit kissaatigineqarmat. Aluminiuliorfeqalernissarput GTE-p suleqataaffigissavaa. GTE Inatsisartunut naalakkersuisunullu innersuussuteqartartuuvoq, qinikkalli aalajangiisartuupput, uagullu tunngavissat sapinngisamik pitsaanerpaamik angunissaat suliarissavarput.

Islandimi takornariaqarneq pillugu Vest Norden Travel Mart-ip ataatsimeersuarnermi GTE nunarput sinnerlugu peqataavoq. Island-imi erngup nukissiorfiliaq 10 milliardi koruuninik akeqarpoq.