Nunatsinni aatsitassat qallunaat perusoqaat

Kalaallit Nunaanni aatsitassanik piiaasinnaanermut isaasalerlugu pilerngunnermut peqataanissaq anguniarlugu danskit folketing-ianni partiit arlaqartut siunnersuuteqarput, naalagaaffiup pigisaanik ingerlatseqatigiiffimik aallartitsisoqassasoq, aviisi politiken taama allaaserisaqarpoq.

Ingerlatseqatigiiffimmik pilersitsinissamik siunnersuuteqartuuvoq Dansk Folkeparti-p siulittaasua Kristian Thulesen Dahl.  Taassuma siunnersuutigaa, soraarnerussutisiaqartut aningaasaateqarfii suliffeqarfissuillu aningaasut peqatigalugit naalagaaffiup pigisaanik ingerlatseqatigiiffimmik pilersitsisoqassasoq, ingerlateqatigiiffik taanna Kalalallit Nunaanni aatsitassanik ujaaseqataassaaq.

Naalaagaaffik akisussaaqataalluni ineriartornermut peqataasaariaqarpoq, kalaallit nunaanni aningasarsiornermi danskit peqataaniassamata, tamannalu aqqutissatuaavoq, Kristian Thulese Dahl oqarpoq.
 
Tamannalu aalajangiisuulluinnarpoq, Dansk Folkepartiip sulitaasua Aviisimi Politiken-imi taama issuarneqarpoq, tamannalu Kalaallit Nunaat peqatigalugu ingerlanneqassasoq oqarluni.
Kristian Thulesen Dahl-ip siunnersuutaanut, Venstre, Konservatiivit aamma Enhedlisten isumaqataapput. Tassalu maannakkut naalakkersuisuusut avaqqullugit siunnersuummut amerlanerussuteqarput.

Namminersorlutik Oqartussat sulianut aningisuunut inatsiliaat malillugu nunat allamiut akissarsiakitsillugit sulisorineqarnissaannut inatsisip pisariaqartinneqartup,  folketinge-mi taasissutigineqarnissaanut Enhedlisten aamma Dansk Folkeparti  itigartitsiniarlugit nalunaareernikuupput. Nunanut allamiunut inatsisip allannguutissaa Folketinge-mi taasissutigineqartussaavoq.

Sulianut angisuunut inatsit akissarsiat appartinneqarnerannik kinguneqassasoq, partiit taakku marluk isumaqarput.

Sulianut angisuunut inatsimmut partiit Venstre aamma Konservatiivit  qularput inatsisillu taasissutigineqarnissaata unitsikkallarneqarnisaa siunnersuutigalugu.

Danskit naalakkersuisuisa aalajangiusimavaat, tamanna Namminersorlutik Oqartussat namminneq aalajangigassarigaat,  aamma nunanut allamiunut inatsisip allanngortinneqarnissaanut pisariaqartinneqartut piviusunngortinneqarnissaanut piumassuseqarlutik.

Liberal Alliance sulianut angisuunut inatsit pillugit manna tikillugu qisuariarsimanani maanna qisuariarpoq.

Partiip Kalaallit Nunaanut oqaaseqartartua Villum Christiansen oqarpoq, tamanna sulianut angisuunut inatsit Kalaallit Nunaata nammineerluni aalajangissarigaa aamma suliffeqarfik sorleq aatsitassanik ingerlatsissanersoq.

- Uagut tamanna akuleruffigissanngilarput, aamma naalagaaffik aallartitsiniarluni iliuuseqassanngilaq.
Kalaallit nammineerlutik taakkuninnga suliaqarsinnaanerat tamakkiisumik tatigaara, ullumi Ritzaup Nutaarsiassaqartitsivianut oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat