ASSIT Nunatsinneersut tuniniagassanik Kinami pilerisaarinerat
Qingdaoimi imaanersunik nerisassianik nunarsuarmi saqqummersitsiviit annersaasa ilaanni, tunisassiortut pisiortortullu sumi tamaneersut katersuuffianni Royal Greenlandip saqqummersitsivia aallartitanit takusarneqarpoq.
Tassani ulapputtoqarpoq, Kinamilu niuffaffiup nunatsinni imaanersunik tunisassianik pimoorussillutik soqutiginnilersimanerat erseqqilluinnarpoq. Namminersorlutik Oqartussat tusagassiorfinnut nalunaarumminni taama allaaserisaqarput.
Nunaerput Kinamut 800 millionit koruunik Japanimullu 600 millionit koruunit nalinginut tunisaqartarpoq, taamaammat niuffaffimmi takussaanissaq pingaartupilussuuvoq. Taamaattumik Japanimi allaffeqarnermik saniatigut Royal Greenland aamma Qingdaoimut inississimapput.
Great Greenlandip atisaliaanik takutitsineq
Vittus Qujaukitsoq Royal Arctic Line A/S peqatigalugu Beijingimi aningaaserivinnik ataatsimeeqateqaqattaarpoq, RAL-ip umiarsuarnik containerilersuutinik nutaanik unammillersinnaassusilimmik aningaasaliinissamut periarfissat ujartuiffiginissaat siunertarineqarluni.
Aammattaaq Kinami aatsitassarsiornermik ingerlatseqatigiiffinnik, Nunatsinni maannakkut aatsitassarsiornikkut suliniutit ineriartortinnerinut peqataasunik oqaloqateqarnerit naammassineqarput.
Aamma atuaruk Nunatsinneersut tuniniagassanik Kinami pilerisaarisut
Vittus Qujaukitsoq Kinami illoqarfissuarmi millionilinnik inulimmi Chongqingimi atisanik takutitsinersuarmi arfininngormat pingaarnertut oqalugiartuuvoq. Kinami atisanik takutitsisartut Great Greenlandip puisit amiinik atisaliaanik takutitsipput, qaaqqusallu 300-t nunatsinni imaaneersunik tunisassianik Royal Greenlandimeersunik sassaallerfigineqarput.
Tamatumunnga atatillugu Vittus Qujaukitsoq ima oqarpoq:
- Nunatsinnit puisit amiinik tunisassianik atisanik takutitsinermik isiginnaareerlunga oqartariaqarpunga amminik qaatiguuliaatigut minkit uumasullu allat amiinut naleqqiullutik ajornarunngivissut, kineserinillu takkussimasunit soqutiginninnerujussuup takunera nuannaartunaqaaq.
Great Greenlandip atisaliaanik takutitsineq
Royal Greenlandip tunisassiai Great Greenland puisip amianik suliaa