Nunatsinneersut aatsitassarsiorneq pillugu nittarsaassinermi Kunngissamit peqatigineqassasut
Sulisitsisut aatsitassarsiorneq pillugu Canadami nittarsaassinermi peqataassapput, Kunngissarlu aamma danskit ministeriisa ilaat nittarsaassinermi aamma najuutissapput.
Allattoq Merete Lindstrøm
januaarip 31-at 2019 12:32
Nutserisoq Simon Uldum
Aatsitassarsiorneq pillugu nittarsaassinerit nunarsuarmi annersaanni Canadami marsip aallartinnerani pisussami oqalugiartussat nuimasunik arlalinnik ilaqassapput.
Nittarsaassineq nunatsinnit aamma peqataaffigineqassaaq, ilaatigut Sulisitsisunit, Naalakkersuisut sinnerlugit Erik Jensenimt aamma Dansk Industrimit. Kunngissaq Frederik nittarsaassinermi Canadami Torontomi ukioq allortarlugu pisartumi aamma peqataassaaq.
Danskit ministeriannik aamma peqataasoqassaaq, aatsitassarsioqatigiiffiillu nunatsinni ingerlataqareersut soqutiginnittulluunniit aamma najuutissapput.