Nunatsiavummiut utoqqatserfigineqarnissartik piumasaraat
Nunatsiavummi naggueqatigiit Inuit Canadami naalagaaffeqatigiit naalakkersuisuinit utoqqatserfigineqarsimannginnamik taarsiiffigineqarsimanatsilluunniit ajortumik pineqartutut misigipput, uffa Canadami naggueqatigiit Inuit allatulli angerlarsimaffitsik qimallugu atuariartortitaanerminni naalliutsitaasarsimallutik.
Naalagaaffeqatigiilli naalakkersuisuisa oqaatigaat Nunatsiavummi naggueqatigiit Inuit utoqqatserfigisariaqarnagit, tassami Nunatsiavummi Newfoundlandimilu atuarfiit tallimat ingerlanneqarneri - Canadami atuarfiit allat ilutiginagit - naalakkersuisut akisussaaffiginngimmassuk.
Danny Pottle, Nunatsiavummi aningaasaqarnermut naalakkersuisoq, Nunatsiavummi ataatsimiinnermi oqarpoq, "Nunatsiavummi naggueqatigiit Inuit ilumoortoq oqaatigereerpaat. Nunatsiavummi naggueqatigiit Inuit upperineqarnissartik piumasaraat. Nunatsiavummi naggueqatigiit Inuit maanna naggueqatigiit Inuit allatulli saammaaqatigiinnermut isumakkeerfiginninnermullu suliniarniarput."
Nunatsiavummi qaammatini kingullerni ataatsimiinnerni arlalinni naggueqatigiit Inuit arlallit oqartarput 1970-ikkunni 80-ikkunnilu atuariarfinni misigisarsimasatik naggueqatigiit Inuit allat, utoqqatserfigineqarsimasut tarsiiffigineqarsimasullu, misigisarsimasaattut tataannartigisut. Nunatsiavummi aamma atornerlugaasarsimapput, oqaatsitik annaasimavaat ilaquttaminnut nunaqarfimminnullu atanertik annaasimavaat.
Toby Obad Nain-imeersoq CBC News-imut oqarpoq naggueqatigiit Inuit Nunatsiavummiut naggueqatigiit Inuit allatulli taarsiiffigineqarnissaminnut utoqqatserfigineqarnissaminnullu pisinnaatitaatigisut. Tamannarpiarlu pillugu maanna naggueqatigiit Inuit Nunatsiavummiut ataatsimoorlutik Canadami naalagaaffeqatigiinni naalakkersuisut eqqartuussivilersuunnialerpaat.
