Labradorip qeqertaasartaani inuit canadamiut namminerisaminnik maanna naalakkersuisortaalerput.
Labradorip sineriaata avannarpasinnerusortaani, Nunatsiavummi, naalakkersuisunut ippassaq siullerpaamik qinersisoqarpoq, inuiaqatigiit inuit tamaani 2.000-t missaanniipput. Nunatsiavut siorna pilersinneqarpoq – Canadami qitiusumik naalakkersuisunit kiffaanngissuseqannginnerunissartik ukiut 30-t missaanni anguniareerlugu.
Inunnik ikiuiniarnermut tunngassuteqartut naalakkersuisunut qinigaarlaat qulingiluaasut pingaarnertut suliariniarpaat.
Qinigassanngortittut 31-iusimapput – qinersinerullu inernera ullumikkut tusarliunneqarsinnaassaaq.
Naalakkersuisunngortut oktobarip ulluisa 16-anni uppernarsaatinneqassapput, CBC News allaaserinnippoq.