Nunata Københavnimi sinniisoqarfiani pisortassaq toqqarneqarpoq

Naalakkersuisut Siulittaasuata Naalakkersuisoqarfia aalajangerpoq cand.jur. Lida Skifte Lennert Københavnimi sinniisoqarfimmi pisortatut atorfinitsinniarlugu.
Lida Skifte Lennert Bruxellesimit Københavnimut apriilip aallaqqaataanni nuussaaq.
Allattoq Kerté Jeremiassen
novembarip 10-at 2015 16:30

Kalaallit Nunaata Københavnimi Sinniisoqarfiani pisortatut atorfik utaqqiisaasumik 2014-imi septembarimiilli inuttaqartinneqarsimavoq.

Lida Skifte Lennert Kalaallit Nunaata Bruxellesimi Sinniisoqarfiani 2008-mili pisortaavoq. Tamanna sioqqullugu Lida Skifte Lennert Namminersornerullutik Oqartussani ilaatigut immikkoortortami pisortatut siunnersortitullu immikkut ilisimasalittut atorfeqarsimavoq.

Tatigineqaatigut Lida Skifte Lennert ilaatigut Grønlandsbanken A/S-imi Nunaoil A/S-imilu siulersuisunut ilaasortaasimavoq, Kalaallit Nunaannilu Unammilleqatigiinnissammut aalajangiisartunut ilaasortaasimalluni.

Atorfimmit soraarnermik kalerriiffissat Bruxellesimilu sinniisoqarfimmi 2016-imi qaammatini siullerni pingasuni suliassat pissutaallutik, Lida Skifte Lennert Kalaallit Nunaata Københavnimi Sinniisoqarfiani pisortatut 2016-imi apriilip aallaqqaataani sulilissaaq.

Kalaallit Nunaata Københavnimi Sinniisoqarfiani pisortassarsiornermi aqqaneq marluk qinnuteqarsimasuut, Namminersorlutik Oqartussanik nalunaarutigineqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq