Nunat tulleriiaarlutik IOC-mut ilisariteqattaarput
IOC-p ataatsimeersuarnerani nunat tulleriiaarlutik videoliaminnik ullumi takutitsipput. Tokyo Chicagolu takutitsereerput, Japanillu illoqarfittut pingaarnersaata olympiadit pingaartitaat saqqummersinniarsimavai, Chicagollu misigissutsit sunnerniarsimallugit. Rio de Janeiro Madridilu videoliaminnik aamma takutitsisussaapput.
oktobarip 02-at 2009 09:12
Michelle Obamap illoqarfissuup ilaani sulisartoqarfiusumi peroriartornini oqaluttarfimmiit oqaluttuaraa. Barack Obamallu oqalugiarnermini Chicago kikkullunniit najugaqarfigisinnaagaat pingaarnertut saqqummersippaa.
Japanip ilisarititsissutaa inunnut tunngavallaanngikkaluarluni olympiadit pingaartitaasa nunamut sunniuteqarsimanerannik oqaluttuarpoq.
Japani naalakkersuinermik sulialimmik Obamatut qaffasitsigisumik aallartitaqanngikkaluartoq, eqaarsaartartoq 15-inik ukiulik isiginnaartitsivimmit naatsumik ima oqarpoq;
- Nunami qullersaanngikkaluarlunga inuit naalagaaffinniit anginerusut sinniisuuffigaakka, tassaasut nalitsinni inuusuttut.
