Nunat tamat akornanni Ilitsoqqussaralugu Oqaatsit Ulluat nuna tamakkerlugu malunnartinniarneqassaaq

UNESCO-p februaarip ulluisa 21-iat Nunat tamat akornanni Ilitsoqqussaralugu Oqaatsinut ulloritippaa, ilitsoqqussaralugulu oqaatsit pillugit nunarsuarmi tamarmi aaqqissuussinerit ingerlanneqassapput. Ilitsoqqussaralugu oqaatsit oqaatsillu atorneqartut nunatsinni aamma piffissami kingullermi sammineqartupilussuupput, nunarsuarmilu nunani allani aamma tamakkorpiaat ajornartorsiutaallutik.
Allattoq Peter Troelsen, Simon Uldum
februaarip 20-at 2013 12:31

Oqaasileriffiup Ilimmarfimmiittup ulloq ukiorpassuarni malunnartinniartarpaa, ukiormannalu aamma taamaaliussamaarpoq. Ukioq manna Unescop Ilitsoqqussaralugu Oqaatsit Ulluanut atatillugu qulequtsiussaa tassaavoq: 'Mother Tongue and Books', kalaallisut 'Ilitsoqqussaralugit oqaatsit atuakkallu.’. Ilimmarfimmi unnugu ataatsimiisitsinissami assigiinngitsunik sammisaqartoqassaaq, ilaatigut kalaallit filmiliortartut siuttuisa ilaat saqqumiissaallutik, soorlu Leila K. Hansen, Malik Kleist aamma Hans Jukku Noahsen. Ilisoqqussaralugit oqaatsit ulluata nalliussineqarnera nal. 19.00-mit 21.00-imut ingerlanneqassaaq.

Aammattaaq nunat tamat akornanni Ilitsoqqussaralugu oqaatsit ulluat Tasiilami malunnartinniarneqarpoq. Tamannalu atuakkanik atorniartarfimmi nal. 19.00-mit 21.00-imut ingerlanneqassaaq.

Nunat tamat akornanni Ilitsoqqussaralugu Oqaatsit Ulluat oqaatsit kulturillu, pingaartumik oqaloqatigiinnikkut qanilaarnikkullu assigiinngisitaarnerannik siuarsaanissamik siunertaqarpoq.

Nuummi Niuernermik Ilinniarfimmi aamma sumiorpaluutit assigiinngitsorpassuit tusarfiginissaannut periarfissaqassaaq. Nalunaaqutaq 19.00-minnganniit aaqqissuussineq aallartissaaq, ilaatigullu Finn Lynge, Tina Chemnitz Kelly Berthelsenilu oqalugiartuussallutik.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq