Assi: Official White House Photo by Lawrence Jackson

Nunat siuttui Inuit suleqatiserigaat

Nunani pingasuni naalakkersuinikkut siuttuusut sapaatip akunnerata siuliani suleqatigiinnissamik nalunaaruteqarmata naggueqatigiit Inuit tusarluarput.

Canadami, USA-mi Mexicomilu siuttut Ottawami ataatsimeersuarnerminni, kultiltimik mingutsitsisoqannginnerulernissaa anguniarlugu nunaqaqqaartut suleqatigalugit sulissutigineqartussanngormat, naggueqatigiit inuit tusarluarput.

Naggueqatigiit inuit taama tusarlerneqarnertik nuannaarutigigaat, Inuit Tapiriit Kanatami, præsidenti, Natan Obed oqarpoq.

Inuttut pingaartitat suleqatigiinnikkut qulakkeerneqarnissaat pingaartinneqarpoq.

- Silap pissusia pillugu politikki, angallanneq uumasunillu piniarsinnaanermut siunissami aalajangiisarnissani naggueqatigiit inuit ilisimasaat aallaavigalugit peqataatinneqartarnissaat, Canadami naalakkersuisut siunnerfeqarnerat isumalluarnarpoq, Natan Obed oqarpoq nangillunilu:

- Præsident Obamallu issittumi inuit piffissami pingaarutilimmi suleqatigineqarnissaanik oqaaseqarnera nuannaarutigeqaara.

Premierministerip Trudeaup suleqatigiinnissaa attakkumavara, 2025-illu tungaanut 50 %-imik mingutsitsineq appartinneqarnissaanut suliniummut naggueqatigiit peqataatinneqarnissaat qulakkeerniassavara, Inuit Tapiriit Kanatami, præsidenti, Natan Obed oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat