Nunanit allanit

Nunat sisamat sakkutuui issittumi sungiusartut

Amerikamiut sakkutuui imarsiortut - Ice Exercises 2016-imik taallugu - Issittup imartaani sapaatit-akunnerinik tallimanik sivisussusilimmik sungiusaleruttorput.
Assi © : U.S. Navy/Tyler Thompson
Allattoq Marianne Stenbæk, Montreal, Canada
marsip 21-at 2016 06:42
Nutserisoq Simon Uldum -

Sakkutuut sungiusarnerat marsip aallartinnerani aallartippoq apriilillu tungaanut ingerlanneqassalluni. Sungiusarneq nunanit sisamanit peqataaffigineqarpoq, Norgemit, Canadamit, Tuluit Nunaannit USA-miillu.

Sungiusarnermut atatillugu aqutsiveqarfik Camp Sargo puttaami pilersinneqarpoq sungiusarnerillu tassanngaanniit ingerlanneqarlutik.

Sungiusarneq nunat sisamaasut issittup pigisaani suleqatigiinnerisa pitsanngorsarnissaanik siunertaqarpoq.

Amerikamiut sakkutuui imarsiortut aqqartartunik marlunnik peqataatitaqarput, issittup imartaata, nunarsuarmi imartanit allanit allaanerungaatsiartup, aqqartartuni inuttaasunit ilisimasaqarfiginerulernissaa anguniarlugu.

Sungiusarnermut peqatigitillugu, sakkutuut imarsiortut issittumi avatangiisit pillugit paasissutissanik katersissapput.

Amerikamiut aqqartartuisa issittup sikuata ilua sungiusarfigalugu ukiunik 50-inik misilittagaqarfigereerpaat.

Aamma atuaruk