Nunat G7-imik taaneqartut tassaapput Canada, Frankrig, Italia, Japan, Tuluit Nunaat, Tyskland USA-lu.Assi: Vasily Maximov/AFP/Ritzau Scanpix

Nunat pissaaneqarnerit russit mianersoqqugaat: Ukrainimut oqqassaariunnaaritsi

Russit sakkutuunik 40.000-nit ikinnerunngitsunik Ukrainip killeqarfiata kangisissortaanukartitsillutillu taamatorluinnaq amerlatigingajattunik Krimip aamma qeqertaasaanukartitsipput.

Nunarsuarmi nunat pissaaneqarnerit ilaat kattullutik Ruslandimut ataasinngornermi ersarissumik nalunaaruteqarput, Ruslandimi Ukrainep killeqarfiata nalaanut tuusintilikkaanik sakkutuuliisimammat.

Russit Ukrainimut oqqassaarinertik unitsissagaat, nunat G7-mik taaneqartut nunanut allanut tunngasunut ministerii ataatsimoorlutik oqaaseqaatiliorput.

AAMMA ATUARUK Ruslandip umiarsuit arsaarinnissutigisimasani Ukrainemut utertinniarai

Russit sakkutuunik 40.000-nit ikinnerunngitsunik Ukrainip killeqarfiata kangisissortaanut aallartitsinikuupput. Taamatorluinnarlu amerlatigingajattunik aamma Krimip qeqertaasaanukartitsillutik. Ukrainip præsidentiata, Volodimir Zelenskij-p oqaaseqartartua ataasinngornermi taama ilisimatitsivoq.

Ukrainip præsidentiata, russit præsidentiat oqaloqatiginiarlugu pissarsiariniaraluarpaa. Ukrainili akissutissarsinngitsoq, oqaaseqartartoq nutaarsiassaqartitsivimmut Ritzauimut ilisimatitsivoq.

Nunat G7-imik taaneqartut tassaapput Canada, Frankrig, Italia, Japan, Tuluit Nunaat, Tyskland USA-lu.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat