Nunat OLT-imi ilaasortat Reunion-imi ataatsimiipput

Nunat EU-mi ilaasortat nunaasiaatigisimasaat imarpimmik avatangiiseqartut OLT-imik taaguuteqartumik EU-mik suleqateqartut, qeqertami Reunion-imi ataatsimeersuarnermi, qeqertat imarpimmik avatangiiseqartut avatangiisit pillugit iliuusissanik tulleriiaasoqarnermilu iliuusissanik kissaateqarput suleqatigiinnerujumallutillu EU-mut saaffiginnittoqartinnagu.
Allattoq Jaaku Lyberth
juulip 18-at 2008 15:49

Nunat EU-mi ilaasortat nunasiaatigisimasaat ,OLT imi ilaasortat, nunallu EU-mi ilaasortat siullermeerlutik ataatsimeeqatigiippput.

Naalakkersuisunut ilaasortaq Aleqa Hammond ataatsimiinnermi peqataavoq aamma Kalaallit Nunaanni Inuit Issittormiut siunnersuisoqatigiiffiat peqataatitaqarpoq.

Kalaallit Nunaanni taamatullu issittumi pinngortitami uumassusillit inissisimanerat pillugit kiisalu nunat OLT-imi ilaasortat EU-llu akornanni avatangiisit pillugit suleqatigiinerup qanoq nukittorsarneqarnissaa Aleqa Hammon-ip ataatsimiinermi saqqummiuppai.

Frankrig EU-mi siulittaasuunermik tigumminnittuunermini pisussaaffimmik tigusivoq Reunion-imi ataatsimiinermi oqaluuserineqartut kissaatigineqartullu EU-p siulittaasoqarfianut saqqummiunneqarnissaanut, tamannalu ukioq 2008 naatinnagu iliusissamik pilersaarusiornermik kinguneqartussaavoq.

Namminersornerullutik Oqartussat ataatsimeersuarnermi peqataasutut suliap ingerlanera malinnaaffiginiarpaa.

Illit isummat pingaartittaqaarput. Nutaarsiassaq pillugu isorisat nersualaarinerillu uani tikilluaqquagut.

Aamma atuaruk