Nunat Nammcomut ilaasortat Norgemi ataatsimiittut

Atlantikup avannaani immami miluumasut pillugit ataatsimiittartoqatigiit, Nammco, Norgemi Oslomi 22-issaanik ataatsimeeqqammerput.
Allattoq mlk, Simon Uldum
marsip 03-at 2014 08:28

Immami miluumasut inuussutissatut peqqinnartuuneri akuutissalersugaannginnerilu pillugit aappagu aaqqissuussinissaq ataatsimiittartoqatigiit suliniutigisaasa ilagaat.

Ataatsimiittartoqatigiit aamma arfanniarneq pillugu ilitsersuutit marluk maannasseqqammerpaat - ataaseq arfernik soqqalinnik angisuunik piniarnermut tunngatillugu qamutilinnik qaartartunillu atuineq pillugu, aappaalu niisarnarniarnermut tunngatillugu piniutinik mikinerusunik, soorlu assersuutigalugu nissimmik, piniarneq pillugu.

Ataatsimiittartoqatigiittaaq atlantikup avannaani arfernik 2015-ip aasaanerani kisitsinissamik annertuumik pilersaarusiorput.

Nunat Nammcomut ilaasortat tusagassiorfinnut nalunaaruteqarlutik EU-p puisimik tunisassianik eqqusseqqusinnginnera isornartorsiorpaat, atlantikullu avannaani piniarnermi piujuaannartitsinissamik tunngaveqarneq Nammcomit nakkutigineqartoq isiginngitsuusaarneqarnerarlugu. Aammattaaq Islandip tikaagullisaanik tikaagullinnillu piniarnermut tunngatillugu USA-mut aaqqiagiinngissuteqarnerani tapersersorneqartoq ataatsimiinnermi oqaatigineqarpoq.

Nunat Nammcomut ilaasortat aappaagu ukiup aallartilaarnerani Islandimi ataatsimeeqqissapput.

Suli pitsaanerulernissatsinnut ikiortigut! Nutaarsiassamut malugisaqaruit uunga allaffigitigut.

Aamma atuaruk