Nunat Iranimik niueqateqartut Trumpip sioorasaarai
USA-p Iranimut immikkut sukannersumillu iliuuseriniakkani ullumi aallartippai. Præsident Donald Trumpillu nunat Iranimik niueqateqartuarsinnartut maanna sioorasaarpai.
Allattoq Anton Gundersen Lihn
aggustip 08-at 2018 07:25
Nutserisoq Mads Lynge
EU taakkununnga ilaavoq. Nunammi EU-meersut Iranimik niueqateqartuarsinnaarput.
- Nuna sunaluunniit Iranimik niueqateqartoq USA-mik niueqateqarunnaassaaq. Nunarsuarmi eqqisseqatigiittoqarnissaa kissaatigiinnarpara, allamik naamik, Trump, Twitterikkut taama ilaatigut allaaserisaqarpoq.
USA Iranip atomimik qaartartorsualiorsinnaannginnissaanut nunat tamalaat isumaqatigiissutaannit anereersorlu, Iranimut sukannersumik iliuutsit USA-mit nanginneqarput. EU-lli Iranimik isumaqatigiissut tapersersortuarsinnaraa EU-p nalunaarutigaa.
Suliffeqarfiit EU-miittut Iranimik niueqateqarnerunissaat, EU-p nunanut allanut tunngasunut qullersaata Federica Mogherinip kaammattuutigaa. Nutaarsiassaqartitsivik AP taama allaaserisaqarpoq.
