Nunat inuiisa pisinnaatitaaffii pillugit suliniutilinni Quebec sallersanngorpoq

Nunat inuiisa pisinnaatitaaffii pillugit Naalagaaffiit Peqatigiit aalajangersagaannut Quebec akuersiniarluni aalajangerpoq.
maajip 18-at 2010 05:17

- Naalagaaffiit Peqatigiit pisinnaatitaaffigeqqusaanut qanoq iliussanerluni naalagaaffiup Canadap nammineq aalajangissavaa, uagulli naalagaaffitta qanoq isumaqatigiissuteqarnissaanut tamanna akornutaasariaqanngilaq, nunap inuiisa pisinnaatitaaffiinut Quebecimi ministeri, Pierre Corbeil Nunatsiaq Newsimut oqarpoq.

Naalagaaffiit Peqatigiit aalajangersagaat 2007-imi ataatsimeersuarnermi akuersissutigineqarpoq, aalajangersakkamilu nunarsuaq tamakkerlugu naalakkersuisunut piumasaqaataavoq, nunap inuiisa nunaannut attuumassuteqartunut, aamma isumalluutaannut, aalajangiisoqartinnagu nunap inuii akuersitinneqaqqaartassasut.

Kulturi, kinaassuseq, oqaatsit, peqqinneq, ilinniartitaaneq assigisaallu pillugit isumaqatigiinniartoqassatillugu nunap inuii nunaminni naalakkersuisutulli naleqartiginerat aalajangersakkami aamma piumasaqaataavoq.

Aalajangersagaq Canadamit USA-millu manna tikillugu akuersaarneqanngilaq.

Illit isummat pingaartittaqaarput. Nutaarsiassaq pillugu isorisat nersualaarinerillu uani tikilluaqquagut.

Aamma atuaruk