Nunat inuii aatsitassaleriumasut

marsip 06-at 2006 07:08

Nunat tamalaat aatsitassat pillugit Torontomi ussassaareqatigiinneranni Canadami nunap inuiisa aatsitassarsioqataanerat ullumi sammineqassaaq.

Canadami nunap inuiisa aatsitassarsiornermik sammisaqarnerat annertusiartuinnarsimavoq.

Canadami aatsitassarsiorfiit sulisussaaleqiuaannartut siunissami sulisuisa 20 procentii nunap inuigissagaat naatsorsuutigineqarpoq, nunap inuiinut aatsitassarsiornermik sungiusaanerit annertuumik maanna ingerlanneqarmata.

Sungiusaanerit Canadami inoqarfinnut suliffissaqartitsiniarnikkut sammisassaqartitsiniarnikkullu assut iluaqutaasut oqaatigineqarpoq.

Canadami Ontariomi Quebecimilu nunap inuiisa

aatsitassarsiornermut tunngasunik suliaqarnerat pillugu ullumi saqqummersitsisoqassaaq.

Nunatsinni aatsitassanut naalakkersuisoq Jørgen Wæver Johansen Torontomut unnugu tikissaaq aqagulugu qaaqqusisuussalluni.