Nunat inoqqaavi Kineserimit sullinneqalissapput
Nunat inoqqaavi Naalagaaffiit Peqatigiinniit immikkut ataqatigiissaarisoqartinneqalerput. Taanna Kinameersuuvoq ateqarlunilu Wu Hongbo-mik
![Wu Hong Wu Hong](/sites/default/files/styles/image_934x467/public/article_images/wu_hongbo_large.jpg?itok=AXJOHMOp)
Wu Hong
Allattoq Apollo Jeremiassen
Taassuma suliassaasa pingaarnersarissavaa, nunat inoqqaavisa atugarissaarnerulernissaat, Norgep radioqarfia NRK allappoq.
Wu Hongbo suliassaqassaqaaq, tassami suliassaasa ilagissavaa, nunat inoqqaavisa inuttut pisinnaatitaaffiisa pitsanngorsarneqarnissaanni pilersaarusiortussaassagami aamma sunilluunniit aalajangiinerni nunat inoqqaavisa peqataatinneqarnissaat sulissutigisussaassallugu.
Tamanna anguniarlugu pilersaarusiat tunngavilersorluarneqartussaassasut aamma naalagaaffiit qanoq iliuuseqarnissaat anguniarneqartussaassasoq NRK allappoq.
Wu Hongbo aningaasaqarnermut akisussaasutut aamma inuit atugarisaat pillugit Naalagaaffiit Peqatigiinni suliaqartuuvoq, taakku saniatigut nunat inoqqaavinut tunngasut aamma suliarisarlugit.