Sulisartut, ilaqutariit taakkualu suliffii, peqqissusaat qanorlu innerat pineqarput, EU-mi præsidenti Charles Michel oqarpoq.Assi: Pool/Reuters/Ritzau Scanpix

Nunat EU-mi ilaasortat aningaasarpassuarnut missingersuutit pillugit kiisami isumaqatigiittut

EU-mi siuttut aningaasaqarnikkut iluarseeqqinniarnerminni aningaasaateqarfimmut tapiissutit taarsigassallu oqimaaqatigiissarnissaat ajornakusoortissimagaluarlugu iluatsippaat.

13.580 milliardit koruunit ukiuni tulliuttuni arfineq-marlunni qanoq atorneqarnissaat pillugit EU-mi naalagaaffiit siuttuisa 27-t akuerisinnaasaannik naapeqatigiinnermik Europami politikerit EU-mi nunat Bruxellesimi ataatsimeersuarnerata ulluata tallimassaanni aatsaat isumaqatigiissutigaat.

- Isumaqatigiissuterput Europap qanoq iliorsinnaassuseqarluarneranik ersersitsilluinnarpoq. Aningaasanuinnaanngitsoq tunngavoq. Sulisartut, ilaqutariit taakkualu suliffii, peqqissusaat qanorlu innerat pineqarput, EU-mi præsidenti Charles Michel oqarpoq.

AAMMA ATUARUK Macron Merkelilu EU-p aningaasaqarneranut tunngasumik nutaamik pilersaaruteqartut

Aningaasarpassuarnut missingersuutit ukiunut arfineq marlunnoortut 8.000 milliardit koruuninik nalillit qulakkeerpaat.

Ataatsimeersuarnermi aamma aningaasaateqarfik 5.580 milliardit koruunit nalinganut pilersinneqarpoq, taanna coronap ajornartorsiortitsinerata kinguneranik pilersinneqartariaqarsimavoq.

Isumaqatigiissut marlunngornermi ullaakkut naammassineqartoq, Europap inatsisartuinit EU-mi isumaqatigiissut naapertorlugu akuerineqassaaq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat